Informashon di ofisina CMC

Aktualmente tres dòkter trahando na e ofisina di dòkter CMC, es ta dòkter G.P.R. Koot, dòkter R.R.A. Polonia i dòkter M. Smit. Tur e tres dòkternan di kas aki ta registrá den e registro di BIG.

Na e ofisina di dòkter aki tin kuater asistènt. Serka nan bo por bai pa traha òf kambia un sita, pero tambe pa pidi ripitishon di resèpt. Ademas nos asistèntnan ta di trein pa ehersé algun tratamentu médiko, por ehèmpel kue preshon di sanger i/o kontrolá nivel di suku, hasi tèst di urina, inkluso tèst di embaraso, spùit orea ku ta verstòp, tratamentu di herida i pone verbant, hasi kardiografia (ECG) i duna asistensia durante intervenshonnan kirúrgiko chikitu.

Na e ofisina di dòkter aki no ta posibel pa akudí pa konsulta sin traha sita delantá. Bo por traha un sita telefónikamente òf na bali. Chek e orarionan bou di kontakto.

Resèpt

Via e asistèntnan bo por pidi ripitishon di resèpt. Esaki bo por hasie door di hasi e petishon telefonikamente riba e lina di resept. Esaki ta hasie door di jama 715 3000 i skohe pa opshon 2. Of por manda un what’s app mensage via +599 777 3296.

Na momentu ku bo hasi petishon promé ku 10:30, bo por pasa buska e remedie despues 3’or e siguiente dia den e botika.

Habitantenan biba temporalmente i turistanan

Habitantenan temporal i turistanan tambe ta bon biní na nos ofisina di dòkter. Na momentu ku bo bini pa promé biaha, nos lo pidi bo un identifikashon. Pa motibu ku bo no ta inskribí komo habitante, bo tin ku paga e gastunan di e konsulta serka e asistènt na final di e konsulta.

Bo por deklará e gastunan di e konsulta na e kompania di seguro médiko, kaminda bo ta afiliá, dor di mustra nan e faktura.